Татьяна Есмұхамбетова: «Менен кейін кім келетіні маған бәрібір емес»

Қыркүйектің соңғы жексенбісінде Қазақстанда Еңбек күні атап өтіледі.

1981 жылы он тоғыз жасар қыз Жітіқара ауылдық учаскесінің РЭҚ бақылаушы-шебері болып жұмыс істеуге келді. Еңбекқор және жауапты қызды байқап, үлкен жолдастар оны әрдайым қолдады. Олардың арқасында кешегі студент жоғары білікті маманға айналды. Бүгінде ол «Қостанай ЭнергоЦентр» ЖШС Жітіқара АЭЖ жеке тұлғаларды есептеу және бақылау тобын басқарады. Татьяна Николаевна таңдаған мамандығы бойынша қырық жылдан астам уақыт жұмыс істейді.

– Мен мұнда кездейсоқ келдім, – деп еске алады маман. – Құрылыс техникумынан кейін жұмыс табу қиын болды, ал бұл жерде таныстар бақылаушылар қажет екенін айтты.

Айтпақшы, біздің әңгімемізде туған кәсіпорынға адалдықтың басты себептерінің бірі – тұрақтылық, уақытында жалақы және керемет команда екендігі бірнеше рет айтылды.

– Мен келген кезде біздің кәсіпорында отыз және одан да көп жылдық жұмыс өтілі бар қызметкерлер сирек емес еді, – дейді Татьяна Николаевна. – Есімде, мен ол кезде тіпті таңқалдым. Егер де сен тұрақты кәсіпорында және жақсы әріптестеріңмен жұмыс істесең, онда сонша жыл жұмыс істеуге болады.

Татьяна Николаевна бірнеше мың абоненттер туралы деректерді журналға қолмен енгізген алыстағы жылдарды еске түсіріп, күледі. Бүгінде жұмыс аз емес, бірақ көмекке заманауи техника келді және жұмыс істеу жеңілдеді. Бірақ ол сонымен қатар жұмыс сапасын қатаң бақылауды жалғастыруда.

Қырық жыл ішінде бірнеше буын қызметкерлері ауысты. Біреу кетіп қалды, бірақ көпшілігі қалды.

– Жітіқара қаласында көптеген кәсіпорындар жабылған кезде, «КЭЦ»  ЖШС бір күнге жұмысын тоқтатқан жоқ. Мен мақтанышпен айта аламын, «КЭЦ» әрқашан өз қызметкерлері үшін сенімді қабырға болды.

Бір жылдан кейін Татьяна Николаевна зейнетке шығады. Бірақ бүгін оны кім алмастыратыны туралы ойлануда.

– Көп жыл бұрын Мен өзімнің тәжірибелі әріптестерімнің мектебінен өттім, – дейді Татьяна Николаевна. Осы жылдар ішінде мен де бірнеше жұмысшыларды дайындадым. Ұрпақтар сабақтастығы-біздің жұмысымыздың маңызды факторларының бірі. Менен кейін кім келетіні маған бәрібір емес. Бірақ мен бұл жерде жауапты және өз ісін сүйетін адам болуы керек екеніне сенімдімін.

Біз кәсіпорынның еңбеккерлері мен ардагерлерін еңбек күнімен құттықтаймыз және барлығына мықты денсаулық тілейміз!