Сенім телефоны
Қазақстанда 2021 жылғы 1 сәуірден бастап электр энергиясын өндіруге арналған шекті тарифтер станциялардан (45-тен 37-ден) ұлғаю жағына қарай қайта қаралды. Қазақстан Республикасы Энергетика министрінің бұйрығына сәйкес «СЕВКАЗЭНЕРГО» АҚ станциясындағы электр энергиясының бағасы («Қостанай ЭнергоЦентр» ЖШС тұтынушылары үшін электр энергиясын жеткізуші) кВт үшін 8,38-ден 10,09 теңгеге дейін 20,4% – ға ҚҚС-сыз өсті. Бұдан басқа, станциялардағы электр энергиясы бағасының өсуі таратушы компаниялар тарифтерінің артуына алып келеді. Қазақстан Республикасы Ұлттық экономика министрлігінің Қостанай облысы бойынша Табиғи монополияларды реттеу департаментіне «КЭЦ» ЖШС тарифті көтеру туралы хабарламаны баға белгілеу қағидаларында көзделген қажетті негіздеуші материалдар қалыптастырылғаннан кейін беретін болады. Тарифтің көтерілгені туралы хабарламаны уәкілетті орган 30 күн ішінде қарайтын болады.
«КЭЦ» ЖШС-нің жабдықтау үстемесін (кәсіпорынның қызметін жүзеге асыру үшін компанияның шығындарын) арттыруға ниеті жоқ, тариф жобасында ол бұрынғы деңгейде қалады (жабдықтау үстемесіндегі пайда жоқ).
Тарифтерді уәкілетті органға келісуге жіберу және заңнама талаптарына сәйкес келісілген тарифтердің деңгейі туралы ақпарат тұтынушыларға БАҚ арқылы жеткізілетін болады және кәсіпорынның сайтында орналастырылады.